საიტის შესახებ

თუ თქვენ ამ გვერდზე შემოხვედით, მაშინ დიდი ალბათობით შემიძლია ვთქვა, რომ საიტმა დაგაინტერესათ და ცდილობთ გაიგით რა თემას ეძღვნება ეს საიტი.

საიტი ეძღვნება ფინანსურ ბაზრებს, ძირითადად ფორექსს თუმცა ზოგადად საუბარი იქნება სხვა ტიპის საფინანსო ბაზრებზეც. უპირველეს ყოვლისა იმიტომ, რომ ყველა მათგანი ერთმანეთთან კავშირშია და შეუძლებელია ჩამოყალიბდე ფორექსის პროფესიონალად, თუ არ იცი რას წარმოადგენს ფიუჩერსი ან ოფციონი.

ფორექსის შესახებ საიტის გაკეთების სურვილი დიდი ხანია მქონდა, მით უმეტეს, რომ ეს საქმეც ძალიან კარგად ვიცი. დომეინი GeoForex.info უკვე ორი წელია არსებობს და პერმანენტულად მქონდა საიტის თემატური მასალით შევსების მცდელობები, თუმცა სხვადასხვა მიზეზების, ალბათ უფრო მოუცლელობის გამო, ვერა და ვერ ვახერხებდი ამას. თუმცა ამჯერედ, საიტი გახდება თემატური თვალსაზრისით საკმაოდ დატვირთული, საინტერესო და მუდმივად განახლებადი.

საიტის გაკეთების იდეა გამიჩნდა მას შემდეგ რაც გავიგე - თუ რა არის ფორექსი. ვერ ვნახე ვერც ერთი, მეტ-ნაკლებად ნორმალური, ქართული ინტერნეტ - რესურსი, რომელიც საშუალებას იძლევა , რომ მსურველმა ნულიდან დაიწყოს ფორექსის შესწავლა. შესაძლებელია ვცდები, მაგრამ მე ვერ ვიპოვე ასეთი ვებ-საიტი, ვინც მიმითითებს მადლობელი დაგრჩებით.

ფორექსის თემატიკის ქართული ინტერნეტ რესურსების უმრავლესობა, რომლებიც ალბათ ერთ ათეულსაც კი არ ითვლის, არასრულყოფილი სახით არის წარმოდგენილი და არ ახლდება, ხოლო დანარჩენი ეკუთვნის იმ კომპანიებს, რომლებსაც ფორექსის შესწავლის რეკლამირებას ახორციელებენ და ფორექსის შესწავლითვის აჰყავთ ფასიანი ჯგუფები.

ფასიანი სწავლების საწინააღმდეგო არაფერი არ მაქვს და არ გამოვრიცხავ, რომ მომავალში მეც ავიყვანო სავალუტო ბაზრის შესწავლის კურსი ან ჩემი ექსკლუზიური სწავლების, ან ვაჭრობის მეთოდიკის ფასიანი ვიდეო კურსი შევქმნა, მაგრამ ამ ეტაპზე უბრალოდ მინდა შევქმნა ჩვეულებრივი, ფორექსის თემატიკის ვებ-საიტი, რომლის მომხმარებელსაც, ყოველგვარი ფინანსური დანახარჯის გარეშე შეეძლება დამოუკიდებლად შეისწავლოს ფინანსურ ბაზრებზე ვაჭრობის ტექნოლოგია.

ცოტა რამ ჩემ შესახებ:

ფორექსით დავინტერესდი 2009 წელს, 2011 წლიდან რეალურად ვვაჭრობ. მეგონა ყველაფერი ვისწავლე, სანახავი და წასაკითხი აღარაფერი დამრჩა, შევიცანი ფორექსის არსი, დავხარბდი წარმატებებს, მეგონა რომ ყოველთვის ესე იქნებოდა, შევწყვიტე თვითგანვითარება, რომელიც თურმე, წესით მუდმივ რეჟიმში უნდა მიმდინარეობდეს, სიღრმისეულად აღარ ვაანალიზებდი ჩემს მოქმედებებს და არც მიღებულ რეზულტატებს, ვვაჭრობდი დეპოზიტთან მიმართებაში არათანაზომადი მოცულობებით და ისე დავმარცხდი და წავიმტვრიე ცხირი, რომ სავაჭრო ტერმინალს თითქმის ერთი წლის განმავლობაში არ გავკარებივარ.

შემდეგ გადავლახე ფსიქოლოგიური ბარიერი, თავიდან გავაანალიზე საკუთარი შეცდომები, შევიმუშავე ჩემი მეთოდიკა და 2011 წლიდან დღემდე სტაბილურად ვმუშაობ ტრეიდინგში.

ფეისბუკის ჩემ გვერდზე რამდენიმე პიროვნება, ხვდება რა ჩემს ძირითად ინტერესს პირველ რიგში მეკითხება რა რაოდენობის შემოსავალს ვიღებ ფორექსზე ვაჭრობისაგან. ჩემი აზრით ეს ჯანმრთელი, თუმცა ცოტა უხერხული შეკითხვაა, ამიტომ ვინც ამ საკითხით ინტერესდება მინდა მეც ჯანმრთელად და მოზომილად გავცე პასუხი - გადასახადებს ვიხდი.

რაც შეეხება საიტზე ნავიგაციას:

პროფესიონალმა ტრეიდერებმა, ამ საიტზე შემოსვლისას იციან როგორ მოიქცნენ. გადაავლებენ თვალს სტატიებს და როცა დარწმუნდებიან, რომ საიტის ავტორი ტრეიდინგში პროფანი არ არის, ალბათ გამოიწერენ საიტის ახალ სტატიებს RSS ტექნოლოგიის მეშვეობით ან E-mail-ზე, რათა სტატიებში ნახონ სხვა ტრეიდერის ბაზრის მისეული ხედვა და რაიმე ახალი პოზიტიური მარცვალი მოინიშნინ თავისთვის. პროფესიონალი ტრეიდერი, თვითგანვითარების კუთხით ერთ ადგილზე ვერ გაჩერდება, იგი მუდმივ ძიებაში უნდა იყოს, რათა არ დაკარგოს ფორმა და არ დააბლაგვოს შეძენილი უნარ-ჩვევები.

დამწყებ ტრეიდერებს კი ვურჩევ სწავლა დაიწყონ 3 ძირითადი, პირობითი სახელწოდების რუბრიკით შესაბამისი რიგითობის დაცვით: "ფორექსის შესწავლის I ეტაპი" , "ფორექსის შესწავლის II ეტაპი" და "ფორექსის შესწავლის III ეტაპი".

რუბრიკის "ფორექსის ინსტიტუტი" -ზე გადასვლის შემდეგ შეეპარეთ სტატიებს სხვა რუბრიკებიდანაც. ისინი საშუალებას მოგცემენ გააღმავოთ მიღებული ცოდნა და შესძინოთ მას სხვადასხვა დამატებითი ნიუანსები. შესაძლებელია მოგეჩვენოთ, რომ ზოგიერთი სტატიები დუბლირებენ ერთმანეთს, მაგრამ მერწმუნეთ შესაძლო დუბლირებასთან ერთად, ისინი როგორც მინიმუმ უფრო გაამყარებენ თქვენ ცოდნას ამა თუ იმ საკითხზე ან, წარმოგიდგენენ საკითხის შესახებ სხვაგვარ ხედვას, რაც ასევე გაამდიდრებს მიღებულ ცოდნას.

პარალელურ რეჟიმში აუცილებლად გაეცანით ფორექსის ლექსიკონს, ტერმინოლოგიას და ტექნიკურ ინსტრუმენტებს - ინდიკატორებს.

თავდაპირველად სწავლას, დღის განმავლობაში დაუთმეთ 3-4 საათი. ნუ იჩქარებთ. სავალუტო ბაზარი, და შესაბამისად მასზე მუშაობის შედეგად მისაღები შემოსავალი არსად გაგექცევათ. სავალუტო ბაზარი იყო, არის და იქნება, მანამ სანამ ფულის ორი სხვადასხვა ერთეული მაინც იარსებებს. მთავარია ბაზარზე შეხვიდეთ თეორიულად და პრაქტიკულად მომზადებული, რათა თავიდანვე ცხვირი არ წაიმტვრიოთ და წარუმატებლობის სიმწარე არ იწვნიოთ. თუმცა, გპირდებით, რომ ამის განცდა მაინც მოგიწევთ. მთავარია ისეთი მწარე არ აღმოჩნდეს ნეგატივი, რომ საერთოდ ხელი აგაღებინოთ ამ ძალიან კარგ და საინტერესო ბიზნესის სახეობისგან.

ველოსიპედის გამოგონება საჭირო არ არის. ველოსიპედი უკვე დიდი ხანია მოგონილია და მას წარმატებით იყენებენ. ვინაიდან მე არც უორენ ბაფეტი (მსოფლიოში ყველაზე ცნობილი ინვესტორი) და არც ალექსანდრე ელდერი (მსოფლიოში ყველაზე ცნობილი ტრეიდერ თეორეტიკოსი, ტრეიდინგის ექსპერტი) ვარ, ამიტომ არც მე ვეცადე ველოსიპედის გამოგონებას. საიტზე წარმოდგენილი მასალა, საფინანსო ბაზრების შესახებ უცხოურენოვან ინტერნეტსივრცეში და ლიტერატურაში გაბნეული სტატიების ნაკრებია. რომელიც ჩემს მიერ არის ნათარგმნი და დალაგებული სწავლების პროცესის ექსკლუზიურად ჩემეული ხედვის შესაბამისად. თუმცა ბევრ მათგანში საფინანსო ბაზრის ჩემი ხედვაც არის ჩაქსოვილი. წარმოდგენილი მასალების მეშვეობით თავად ვისწავლე ტრეიდინგი და თითოეულმა მათგანმა ჩემში გაიარა. თითოეული მათგანის სისწორეში თავად დავრწმუნდი პრაქტიკიდან გამომდინარე.

იგივე შემიძლია ვთქვა სავაჭრო სტრატეგიების შესახებ. ყველა მათგანზე დროის გარკვეული პერიოდის განმავლობაში თავად მივაჭრია მინიმუმ ტესტირების მიზნით და მინიმუმ ცენტურ ანგარიშზე მაინც.

სტატიების ბოლოში არის კომენტირების სისტემა. ნებისმიერი, თქვენთვის გაურკვეველი საკითხის შესახებ მომწერეთ კომენტარებში და აუცილებლად გაგცემთ პასუხს.

წრფელად გისურვებთ წარმატებებს.

კომენტირების ფორმა

გააკეთეთ კომენტარი

ქართული კლავიატურა
0

Comments (22)

  • Alex

    დამწყები ვარ ამ სფეროში და ჩემთვის ძალიან დიდ ფუფუნებას წარმოადგენს არსებული საიტი. უღრმესი მადლობა და რავიცი, ამდენი დაინტერესებული ადამიანიდან რომელიმე
    მაინც თუ შევძლებთ რამეში დახმარებას (ნებისმიერი კუთხით) იქნებ გამოგვიყენო ჩვენც. წარმატებები !!

    Short URL:

  • Admin - ლევანი

    givi - დონეებზე ვაჭრობის მეთოდებზე სტატიები გამოქვეყნდება უახლოეს პერიოდში

    Short URL:

  • givi

    სალამი ბატონო ლევან. იქნებ კლასიკირ ტრეიდინგზე მეტი ინფორმაციები მოგვაწოდოთ საიტზე. დონეებზე ვაჭრობის მეთოდებზე. სტრატეგიებზე ინსტრუმენტებზე.

    Short URL:

  • Admin - ლევანი

    ioseb tivadze - ქართულ საბროკერო კომპანიების სპეციფიკაციებს არ ვეცნობი და არ ვიცი. ამიტომ ამ საკითხში სამწუხაროდ ვერ დაგეხმარებით

    Short URL:

  • ioseb tivadze

    გამარჯობათ მივესალმები თქვეს საიტს , მაინტერესებს რამდენი კომპანიაა თბილისში რეგისტრირებული და რამდენს აქვს ლიცენზია?

    Short URL:

  • Admin -ლევანი

    Tika - თქვენ თუ ყველა, ათასხუთასივე სტატია წაიკითხეთ ძალიან მოხარული ვარ, მაგრამ ერთი ნიუანსი გამოგრჩათ. ბირჟაზე სავაჭროდ საჭიროა დარეგისტრირდეთ საბროკერო კომპანიაში. რომელიც წარმოდგენილია საიტზე რუბრიკაში "ბროკერების რეიტინგი" ან დაგუგლოთ და აირჩიოთ სხვა, თქვენთვის სასურველი ბროკერები. ეს საიტი არის სასწავლო თემატიკის

    Short URL:

  • Tika

    Wavikitxe yvela statia dawvrilebit da ver gavige rogor da sad xdeba registraciis gavla.

    Short URL:

  • Admin - ლევანი

    მაკა - მადლობა კეთილი სიტყვებისთვის

    Short URL:

  • მაკა

    ბატონო ლევან
    ძალინ გამიხარდა სასიამოვნოდ განახლებული საიტი,
    გილოცავთ თქვენ და ყველას, ვინც ამ საიტით სარგებლობს,წარმატებებს გისურვებთ, ჩვენი წარმატება თქვენი დამსახურებაა :)
    მადლობაზე მეტს იმსახურებთ, ტიტანურ შრომას დებთ საიტის სრულყოფისათვის :)
    ველოდებით ყოველთვის სასიამოვნო სიახლეებს თქვენგან.
    ძალიან გამიხარდებოდა ტრეიდერთა მხარდაჭერის ცენტრის, კლუბის, ან სხვა ფორმით, გახსნა.

    Short URL:

  • Admin -ლევანი

    David - საიტი "http://" მისამართიდან/პროტოკოლოდან გადავიდა უფრო სანდო "https://" მისამართზე/პროტოკოლზე. ამას მომხმარებელი რა თქმა უნდა ვერ ამჩნევს, მაგრამ გადასვლას სხვადასხვა ხარვეზები ახლავს თან და ჯერ ბოლომდე ვერც კი გავასწორე ყველაფერი. დიდი მადლობა მითითებისთვის. მაქსიმუმ 3 იანვრამდე აღვადგენ თქვენს მიერ მითითებულ ხარვეზს. იმედია მანამდე ამ საიტისთვის არ გეცლებათ და იქეიფებთ :):)

    Short URL:

  • David

    ფორექსის სკოლა, აკადემია, და ინსტიიტუტი - მონაცემები შეზღუდულია, ხომ ვერ გვეტყვით რატომ?

    Short URL:

  • მამუკა

    გამარჯობათ. გიორგის კომენტარზე მინდა ვთქვა ამ ბმულზე თუ დააკვირდებოდა ეს იყო შარშან გამოქვეყნებული მასალა
    Sep 27, 2015 და მინდა გითხრათ რომ დღემდე მუშაობენ საბროკერო ფირმები. ვისაც არ სჯერა ფორექსის ჯობია თავი დაანებონ და ბიუჯეტსაც გაუფრთხილდებიან.ვისაც გვჯერა გაგვატარეეთთ!!! :))))

    Short URL:

  • Admin - ლევანი

    giorgi - სხვისი ბმულების დადება საიტზე არ მიყვარს, თუმცა გამონაკლისს დავუშვებ დროებით, რათა მიკერძოებულობაში არ ჩამეთვალოს.

    ვიტყვი ერთს - 2011 წლიდან ვმუშაობ ფორექსზე და ოფციონებზე. პოსტი არც წამიკითხავს, მხოლოდ სათაურს გადავავლე თვალი. გონების დანაგვიანება ნამდვილად არ მსურს. პირადად ჩემთვის არათუ ვიღაც პავლე, არამედ თუნდაც მთლიანად 44 მილიონიანი არშემდგარი ქვეყანა - უკრაინაც არ არის ავტორიტეტი. შეთქმულებების თეორიების დაჯერების ასაკიდან დიდი ხანია გამოვედი.

    შეიძლება ადგილობრივი საბროკერო კომპანიები აკრძალოს რომელიმე იდიოტი ქვეყნის იდიოტმა მთავრობამ იდიოტი მოსახლეობის ნაწილის მოთხოვნით, მაგრამ სანამ პლანეტა დედამიწა იარსებებს საფინანსო ბაზარს ვერავინ ვერასოდეს დახურავს.

    ტრეიდერისთვის აუცილებელია 5 პარამეტრი: ჭკუა, ცოდნა, გამოცდილება, ლეპტოპი და ინტერნეტი. და ამ პარამეტრებით შეიარაღებლი სადაც არ უნდა დასვა, თავის საკეთებელს მაინც გააკეთებს და სულ ფეხზე დაიკიდებს პავლეებსაც და სავლეებსაც.

    არავინ - არავის - არაფერს არ აძალებს, არც სწავლას და არც ბირჟაზე საქმიანობას. ვისაც სურს ისწავლის და იმუშავებს საფინანსო ბაზრებზე, ვისაც არ სურს არ იმუშავებს. - უმარტივესი მექანიზმი და ლოგიკაა.

    თქვენ თუ გსურთ ბირჟაზე საქმიანობის შესწავლა - ეს საიტი ამისთვისაა შექმნილი. თუ გსურთ ჟურნალისტური გამოძიების ჩატარება ამ საიტზე და პირადად ჩემთან ეს პროცედურა ვერ გამოვა.

    Short URL:

  • giorgi

    Pavel Dmitriev https://www.facebook.com/pavel.dmitriev.946/posts/1671924993025859?match=cGF2ZWwgZG1pdHJpZXYsZm9yZXg%3D
    ამაზე რას იტყვით, არის თუარა ფორექსი დიდი პირამიდა. უკრაინამ ეს აღიარა და თქვენი პასუხია საინტერესო.

    Short URL:

  • Admin - ლევანი

    giorgi - სამწუხაროდ შეხვედრის შესაძლებლობა არ მაქვს

    Short URL:
Load More

სტატისტიკა

Яндекс.Метрика
 
 
 
 

SSL სერტიფიკატი COMODO CA Limited

sll

 

გაფრთხილება რისკების შესახებ

საერთაშორისო სავალუტო ბაზარზე - ფორექსზე (Forex) და ოფციონებზე (Options) მუშაობის (ვაჭრობის) დაწყებამდე, დარწმუნდით, რომ თქვენ გაცნობიერებული გაქვთ რისკები, რომლებიც თან სდევს ვაჭრობას საკრედიტო მხარის გამოყენებით და რომ თქვენ ამისათვის გაქვთ თეორიული და პრაქტიკული მომზადების საკმარისი დონე.

Top