საბირჟო ვაჭრობის პრინციპები

• იფიქრეთ სავაჭრო პროცესის შესახებ – ეს არის ყველაზე მნიშვნელოვანი წესი. ტრეიდერმა უნდა იფიქროს მხოლოდ იმაზე, თუ საითკენ წავა ფასი, როგორ შეიცვლება ინსტრუმენტის ღირებულება და არა იმაზე თუ რამდენ მოგებას მიიღებს. შეეცადეთ მოიგოთ პუნქტების გარკვეული რაოდენობა, ხოლო შემდეგ ყოველთვის შეძლებთ დაითვალოთ – მოგებული პუნქტების თანხობრივი ექვივალენტი;
• ყველა მოვლენას აქვს ურთიერთკავშირი – ბაზარზე განხორციელებულ ყველა ცვლილებას გააჩნია მკაფიო ურთიერთკავშირი. ეს შეიძლება იყოს ნავთობის გაძვირება, ბუნებრივი კატაკლიზმები, ფულადი ემისია და მრავალი სხვა;

თავისი არსით, სწორედ ეს პოსტულატი წარმოადგენს საბირჟო ვაჭრობის ძირითად პრინციპს, რომლის მიხედვითაც აიგება ტრეიდერის მთლიანი მუშაობა. ტრეიდერის მოვალეობაა პირველ რიგში გამოავლინოს, ხოლო შემდეგ თვალყური ადევნოს მოვლენებს, რომლებიც გავლენას ახდენენ იმ აქტივების ფასებზე, რომლებსაც იყენებს ვაჭრობისას.

ამგვარი ურთიერთკავშირის მაგალითად შესაძლებელია ჩავთვალოთ აშშ დოლარისა და ნავთობზე ფასების ურთიერთკავშირი, ან ევროს ფასის დამოკიდებულება ამა თუ იმ ეკონომიკური პარამეტრების ცვლილებაზე ევროზონაში.

ასევე ერთმანეთან ურთიერთკავშირიშია ვალუტების, აქციების და ნედლეულის ფასები. როგორც წესი ფასთა ცვლილება გავლენას ახდენს საქონლის მთელს ჯგუფებზე და არა მის რომელიმე ერთ სახეობაზე.

• საბაზრო კანონების მოქმედება – ნებისმიერ ბირჟაზე მოქმედებენ საბაზრო კანონები, რომლებიც ეფუძნება მოთხოვნასა და მიწოდებას. მიწოდების ზრდა ყოველთვის იწვევს ფასის კლებას, ხოლო მოთხოვნის ზრდა, პირიქით – აქტივის ფასის ზრდას იწვევს. თუ ეს ორი მაჩვენებელი ერთმანეთის ტოლია, მაშინ ფასი არ იცვლება.

ბირჟა, იგივე ბაზარია, ამიტომ მისთვის დამახასიათებელია საბაზრო ვაჭრობის ყველა გამოვლინება – აჟიოტაჟი, პანიკა, ფასზე გავლენის მოხდენის სხვა მეთოდები.

• ზარალის შემცირების პრინციპი – ნებისმიერ, მეტ-ნაკლებად სერიოზულ კომპანიაში არსებობს სარეზერვო ფონდი. ამავე დროს ბიზნესმენთა უმრავლესობა ცდილობს საკუთარი რისკების დაზღვევას. ამიტომ ბირჟაზე ვაჭრობისას, თქვენც უნდა შეეცაოთ დააზღვიოთ საკუთარი რისკები – კაპიტალის სრული დაკარგვისაგან.

ამის გაკეთება შესაძლებელია რამდენიმე მეთოდით – სტოპ ორდერების მეშვეობით ზარალის რაოდენობის შეზღუდვა. ინვესტიციების დივერსიფიკაცის მეშვეობით – მათი სხვადასხვა აქტივებში განთავსების გზით. ტრეიდინგი სხვადასხვა ფინანსური ინსტრუემნტების გამოყენებით.

აღნიშნული პრინციპი აგრეთვე მოიცავს კაპიტალის მართვის ძირითად საფუძვლებს და გვაძლევს შესაძლებლობას დავაზღვიოთ საკუთარი კაპიტალი ნებისმიერი მოულოდნელობებისაგან.