სტატიაში, საათების მიხედვით განხილულია სავაჭრო სესიების პერიოდებში მოსალოდნელი ის მოვლენები, რომლებიც გავლენას ახდენენ სავაჭრო ინსტრუმენტების ქცევაზე. აგრეთვე განხილულია რამდენიმე, ჩემი აზრით მნიშვნელოვანი რჩევა თაიმინგ ფორექსზე მომუშავე ტრეიდერებისათვის, თუმცა ეს რჩევები იმდენად უნივერსალურია, რომ სხვა ტიპის სტრატეგიების მოყვარულთათვისაც აუცილებლად გასათვალისწინებელია. მონაცემები ასახავს ფინანსურ ბაზარზე წლების (ათწლეულების) განმავლობაში განხორციელებული დაკვირვებების შედეგებს.

სხვადასხვა სავალუტო წყვილის სავაჭრო მოცულობები და ვოლატილობა იცვლება საათის ისრების მოძრაობასთან ერთად. ტრეიდერს შეუძლია უფრო ეფექტურად ივაჭროს, თუ ეცოდინება რომ, რომელი სავალუტო წყვილი არის ყურადღების ცენტრში დროის ამა, თუ იმ პერიოდში. თაიმინგს დიდი როლი ენიჭება ვალუტებზე ვაჭრობისას.

წარმოგიდგენთ სხვადასხვა მონაცემებს, რომლებიც გამოგადგებათ როგორც თაიმინგ, ასევე სხვა ტაქტიკის ტრეიდინგშიც.

თანამედროვე დროის სარტყელების სისტემას საფუძვლად უდევს უნივერსალური კოორდინირებული დრო UTC (მსოფლიო დრო), რომელიც არის დროის ყველა სარტყლისთვის დროის ათვლის წერტილი.